Maa

         Maa, meri pahli guru aur shikshak !!
Aaj mai jo kuchh bhi hun sab unki vajah se !!
Jab unke pas hoti hun kyu itni kathorta itna kadai sab kuchh karne ke liye par jab dur hoti hun to samjh aata hai ye unka anushasan he mujhe behtar banata hai !!
        Har prasthiti mei dhal jaane ki sikh unhi se mili !! San kuchh mil baant kar upyog karna unhi ne sikgaya !! Sab ko dena unki bahut badi sikh thi !!
     Ek vakya yaad aata hai mujhe mai shyed panch varsh ki umar ki thi , padhna band kar unse khana mangne gai unhone puchha paath yaad ho gaya to maine kaha nahi to unhone kaha yaad karke aao fir khana
Bade pyr se kaha beta pahle 'ka' aata hai fir 'kha' matlab pahle ka se apna kaam pura karao fir kha se khana khao apne kartvyo ke prati apne karm aur dharm ke prati unki sikh mujhe hamesha prerna deti hai !!
        Wo mujhse kahti thi jab tum janam lene wali thi to mai socha karti thi ki meri santan jo bhi ho mai use khub padhaungi aur unhone hamesha pashne ke liye protsahit karti sochti hun log kahte hai are padhe likhe jo nahi hote wo padhai ka matlab kya jaane par mujhe padhai ka matlab maa se mila jo khud bahut adhik padhai nahi ki thi!!
    Ek achha inshan banane ki baat ho ya charitr nirman ki baat ya fir sankalp lene ki baat ho karmo ko jine ki baat ho ya parmatma mei astha rakhne ki baat apno ko jode rakhne ki shikh ho ya fir riste nibhane ki baat ek inshan se lekar ek ladki ek aurat ek beti ya fir ek bahn patni bahu aur maa ko keisa hona chahiye sab kuchh unhone sikhaya haan jo kamiya hai wo meri naa samjhi ho sakti hai
Kyuki jivan to hamesha sikhte rahne ka naam hai ye bhi unse sikha !! Kahti thi galti insan se hoti hai par jo samjh ke sudhar le wahi achha insan hai !!
Jivan ki sari sikh mei wo he prerna hai
Wo jo meri Maa hai har kadam par saath diya
Jan jab kamjor hui takat ban jindagi ka samna karna sikhaya unhone!!
     Kahi padha tha ki parmatma har jagah nahi rah sakta isliye unhone maa banaya bahut sahi kaha tha ye baat jisne bhi kaha tha!!